Datorren ostegunean, Apirilaren 11ean, bi talde edukiko ditugu Putzuzuloko oholtza gainean. Bernays Propaganda Mazedoniarrak bigarren aldiz edukiko ditugu Zarautzen, beraien diska berria aurkezten eta erritmo dantzagarriekin gure gerriak dantzan jartzeko gogoz etorriko zaizkigu. Beraiekin batera, Urnietako Pinotxet taldea izango dugu ere.
Apirilaren 2an, asteartean, Zarauzko Putzuzulo gaztetxean izango dugun kontzertuaren berri eman nahi dizuegu. Gaueko 22:00tan hasita bi talde hauek izango ditugu ikusgai eta entzungai;
Alde batetik La Casa Fantom taldea, Noruegatik datorren musika egitasmoa da. Bateria eta baxuaz osaturiko biko formazioan, tentsioa, intentsitatea eta emozio musikatuak uztartuzko dituzten indarrez beteriko emanaldi oldarkorretan.
Beste alde batetik Cant Explain taldea, Orio aldetik datorkigun taldea dugu hauxe. Rock eta grunge musikaren nahasketa burutzen duen power trio bat da honakoa.
Galdu ezinezko zita musikazale denentzat.
Igande honetan, Martxoaren 24ean, igandean, hardcore kontzertua izango da Putzuzulon. Bertan hiru talderen saioa izango dugu. Lehenak, etxean jokatzen duten Managaitz izango dira. Eta hauen ostean, Madriletik datozen Obediencia eta Norbegiako Lucky Malice.
Beraz, Hardcore, Punk eta emakume ahotsez bustiriko igande arratsalde bat eduki nahi baduzue, hurbildu Putzuzulora eta bidali Errealaren partidua popatik hartzera.
Ostiral honetan, Martxoaren 15ean, hardcore kontzertua izango da Putzuzulo Gaztetxean. Bertan, Bilboaldeko Inserta, Mallorkako Pollos Hermanos eta Bermeoko Magnetico Grupo Robot taldeak egongo dira gaueko 22:00etatik aurrera.
Managaitz taldeak Trintxerpeko Mogambo aretoan joko du larunbat honetan, Martxoaren 9an. Bertan, Iparraldeko Kuma No Motor eta Bartzelona aldetik datozen El Punto Devil eta The Crowd taldeekin egongo da.
Managaitz eta Humilitate taldeek kontzertuak eskeiniko dituzte astebukaera honetan. Lehena Eibarren izango da ostiralean, Martxoaren 1ean. Bertan, KaosarenerasoaK, Annunaki Revenge, Mantala no eta Raiserrekin egongo dira Gaztetxean bertan.
Humilitatekoek berriz ere jarduna izango dute larunbatean. Zarauzko Putzuzulo Gaztetxean joko dute Arrosa irrati sareak antolaturiko II. Irrati Topaketetan. Oraingoan, 24 Ideas Bartzelonar talde mitikoarekin eta berriz ere, KaosarenerasoaK taldearekin joko dute.
Astebukaera kontzertuz beterik datorkigu, bereziki Zarauzko talde batzuentzat, baina baita ere Putzuzulon bertan. Lehen zita ostegun bertan duzue Putzuzulon, eta gainerakoak jarraian dituzue.
Bergaran edukiko dugu lehen jomuga. Otsailaren 22an eta 23an, ostiral eta larunbatez, II. Tapoi Fest jaialdia ospatuko da Gaztetxean. Ostiralean, Managaitzek joko du KaosarenerasoaK, Hardflip eta HHD taldeekin batera.
Larunbatean berriz, Humilitate eta Erniaren txanda izango da eta oraingo honetan, Lukas Prest!, Layo Raser, eta Perras Salvajesekin izango da.
Igandean, otsailaren 24ean eta arratsaldeko 19:00etatik aurrera hiru talderen kontzertua edukiko dugu Zarauzko Putzuzulo Gaztetxean. Venezuelatik, punk anarkista egiten duen Fracaso, Bartzelona aldeko Final Slum War talde zaratatsua eta Karkaba taldean ibiltzen ziren jendeaz osaturiko Gaitze taldeak edukiko ditugu bertan.
Otsailak 21, Osteguna Putzuzulo Gaztetxean…
WASABI–> Powerviolence-a valentziatik, Milkhouse, Desguace,… eta hainbat taldeetan aritutako musikariekin
THATIANA KHANKHANA–> Sludge-rock-a donostitik, Rasp, antihero, ira et decessus,… taldeetako kideekin.
Managaitz taldea, Zallako Gaztetxean joko du ostiralean, otsailaren 15an bertakoak diren Hil Aiari (diska aurkezten dute) eta Bilboaldeko J.A.N. taldeekin batera.
Kontzertua baino lehen ordea, Zallako 3 gazteren aldeko atxikimendu kanpainaren aurkezpena izango da. Ondorengo lerroetan duzue 18/20 Absoluzioa kanpainaren aurkezpeneko testua:
Bost urte igaro dira Zalako 3 gaztearen aurkako prozesu judiziala hasi zenetik, eta orain ezagutu dugu epaiketaren data. Berriz ere erantzungo dugu, alde batetik prozesuaren nondik norakoa salatu nahi dugu, bestetik asanbladan eta autogestioan oinarritzen diren proiektuen eta Gaztetxe eta gazte asanbladen garrantzia eta beharra aldarrikatu nahi dugu eta horretarako, pertsona ororen elkartasuna eskatzen dugu.
Ondorioz kapainia berri bat abiaraztea erabaki dugu eta otsailaren 15ean Zallako gaztetxean ekingo diogu kanpainiari, honen aurkezpenarekin. Horretarako konzertuak prestatu ditugu, Zallako Hil Aiari bere diska berria aurkezten, Alonsotegiko J.A.N. eta Zarauztik Managaitz tadeekin, gainera luntx bat egongo da. Prozesu honen azkeneko pausua epaiketa eguna aurretik Gazte Eguna izango da. Beraz maiatzaren 18a Zallako Gazte egun erraldoia egingo dugu eta Maiatzaren 20an epaiketa eguna izango da. Informazio guzti honen berri emateko bloga eta facebook-a duzue.
Ostiral honetan, ekitaldi benetan interesgarria dugu Putzuzuzulon, liburu aurkezpen bat eta kontzertua edukiko duzue Otsailaren 1ean hain zuzen ere. Lehenik eta arratsaldeko 18:00etatik aurrera, Josu Trueba edukiko dugu Putzuzulon Al Son del Punk argazki-liburua aurkezten arratsaldeko 18:00etatik aurrera. Kuban dagoen Punk mugimenduari errepasoa egiten dio Truebak liburu honetan.
Eta honen ostean, sekulako kontzertua edukiko dugu. Gaueko 22:00etatik aurrera, Zarauzko Metralleta, Beasaingo Colapso eta Valentziatik datozen Tempesta edukiko ditugu.
