Heavy gau bikain bat edukiko dugu Abenduaren 18an, larunbatean. Bertan, Usurbilgoak diren Mendeku Itxua eta Su Ta Gar taldearen bertsioak egiten dituen Su Ta Ke taldea izango dugu. Eta gauari amaiera paregabea emateko, DJ Gamel edukiko dugu gure belarriak zulatzen.
Gogoratu egun honetan irteten den dirua Diskoiraa taldeak Irailean egin behar duen bira ordaintzeko erabiliko dela
Erantzun eta Humilitate taldeak bezala, Diskoiraa taldea ere Espainiar biran irtengo da zubi honetan. Butour 2010 izena jarri diote bira honi eta Gijon, Coruña, Oporto, Valladolid eta Madril zapalduko dute bost egun luzez
Erantzun eta Humilitate taldeek, Espainiar bira txiki bat burutuko dute datorren zubian. Oraingoan bai Xatour izena jarri dioten bira honetan, Zaragoza, Bartzelona, Mallorka, Valentzia, Madril eta Soraluze zapalduko dute.
Bi taldeek igorri diguten mezutxoa duzue honakoa:
Hemen gaituzue beste behin bira berri baten berri emateko. Humilitatekook urrian europear biran izandako arazo mekaniko eta buruhauste guztiak oraindik konpondu gabe eta berriz ere errepidean izango gara. Oraingo honetan HUMILITATE eta ERANTZUN taldeok biok batera egingo dugu bira iberiar penintsula eta balear irletan.
Mallorka, Bartzelona, Valentzia eta Madrilen emango ditugu kontzertuak. Humilitateren 3. bira izango dugu honakoa. Europan zehar bi bira egin ostean eta Euskal Herriko txoko gehienetan autoprodukzioz ateratako cda aurkeztu ostean errepidean gara berriz. Hainbat kantu berri sartu ditugu errepertorioan eta abesti berri horiek zuzenean aurkezteko gogotsu gaude. Erantzun taldeari dagokigunez, Europan, Hegoameriketan eta makina bat aldiz ibili eta 5 diskaren ostean hemen gatoz urteko bigarren bira egitera. Alemanian izan ginen apirilean eta orain taldearentzat 3.iberik croket tourra denari ekingo diogu. Taldeak bizirik dirauen 13 urteetan zehar sarritan bixitatutako tokietara itzuliko gara eta hortzak zorrotz ditugu iada.
Beste astebukaera bat iritsi da eta Zarauzko hainbat taldek kontzertuak dituzte iragarrita.
Lehen zita, Andoaingo Gaztetxean izango dugu. Ostiralean, Azaroaren 26an, Humilitate, Burux Lee eta Fly Shit taldeen kontzertua izango da. Burux Leekoentzat gainera, kontzertu berezia izango da, beraien ibilbidearen amaierakoa izango da eta.
Larunbatean ere, Zarauzko bi taldek izango dute kontzertua. Kasu honetan Donibane-Ziburuko Gaztetxean izango da. Putzuzulo Gaztetxeko eta bertako asanbladak antolaturiko egitarauaren barruan, Diskoiraa eta Metralleta taldeek kontzertua eskeiniko dute George abitols dirty sex toy academy eta The MC Fly taldeekin.
Eta amaitzeko, igandean, Azaroaren 28an, Beasaingo Gaztetxean ere kontzertua izango da. Kasu honetan, Diskoiraa eta Metralleta taldekoak izango ditugu berriro ere Transicion taldearekin.
Humilitate taldeak Mogambo Aretoan joko du Azaroaren 22an astelehenean. Beraiekin batera, Europar biran datozen Wehrmacht talde Estatubatuarrak joko du.
Kontzertua gaueko 20:30etan hasiko da eta puntual azaltzea asko eskertuko da.
Inor Ez talde Zarauztarrak Leioako Udondo Gaztetxearen 10. urteurrenean joko du.
Egun guztian zehar hainbat ekitaldi egongo dira eta Zarauztarren gauean burutuko den kontzertuan hartuko dute parte. Beraiekin batera, Despeñaperros, RAS, Piketa eta Ira et Decessus taldeak egongo dira.
Humilitate talde Zarauztarrak Beasaingo Melmak Gaztetxean joko du Azaroaren 8an, astelehenean.
Beraiekin batera, Bartzelonako Infame Hardcore Punk taldeak joko du. Kontzertua, gaueko 20:00etan hasiko da.
Dictadura taldeak Zarauztarrak Urretxu-Zumarragako Gaztetxean joko du Deskonocidos talde Estatubatuarrarekin Azaroaren 4ean, ostegunean.
Deskonocidos taldea, Europar biran dabiltza beraien punk iluna astintzen. Askok, Eskorbuto eta garaiko taldeen itxura dutela diote. Kontzertua, 20:30ak aldera hasiko da PUNTUAL!!
Zarata kontzertuek etenik gabe jarraitzen dute Putzuzulo Gaztetxean eta datorren asteartean ere sekulako kontzertua izango dugu ZarataZarautzen eskutik. Urriaren 26an asteartean, abiadauraz beteriko kontzertua eskeiniko digute 3 taldek. Oraingoan, Holandatik datozen Seein Red talde mitikoa eta Australiako Extortion taldeak izango ditugu eta bi talde hauekin batera, herrikoak diren Metralletak ere joko du.
.
Seein Red eta Extortion, elkarrekin dabiltza Europar biran. Seein Redekoak aski ezagunak dira lehenagotik Lärm taldean jo zutelako. 1988an, bertako hiru kidek sortu zuten eta gaur egun arte jotzen jarraitzen dute. Extortion laukotea berriz, lehen Europar biran dabiltza. Hardcore oso azkarra egiten dute, inguru hauetan gustatzen den bezala.
Tragedy eta Destino Finalen kontzertuetan bezala, puntual etortzea asko eskertuko dugu, 23:00etara amaiturik egon behar du eta
Bi kontzertu interesgarri ikusteko aukera egongo da Zarauzko Putzuzulo Gaztetxean. Lehena, Urriaren 18an izango da, astelehenean eta bertan Donostiako Hell Division eta Estatu Batuetatik biran datozen Tragedy izango ditugu. Donostiarrek, 7 hatzbeteko binilo bat kaleratu berri dute eta gurean aurkeztuko dute. Menphiseko taldea berriz, aski ezaguna da hardcore DIY-aren munduan.
Datorren astean izango dugun bigarren kontzertua, Urriaren 21ekoa izango da, ostegunekoa. Bertan, Bartzelonako Destino Final taldea jarduno da. 2004ean Invasion izenarekin hasi zen hardcore Punk taldea da honakoa eta Japonia edota Estatu Batuetan birak burutu ditu. Beraiekin batera, Putzuzulon behin baino gehiagotan izan ditugun Citizen Kane talde Oriotarra edukiko dugu. Bi kontzertu hauek, gaueko 21:30etan hasiko dira.
Gogoratu aste barruko kontzertuek 23:00etarako bukaturik egon behar dutela. Beraz, kontzertura gerturatzeko intentzioa baldin baduzue, puntual etortzea gomendatzen dizuegu