Irailaren 3an eta arratsaldeko 20:00etatik aurrera, hardcore kontzertua dugu Zarauzko Putzuzulo Gaztetxean. Bertan, Interezza Assoluta, Policia Interior, The Skunks eta Maquina Muerta egongo dira zarata apur bat egiten. Asteazkenetan hasten da asteburua…

Interezza Assoluta: Garapen handiko harcore musika lantzen duen kataluiniako banda.

Maquina Muerta: D-Beat doinuak lantzen dituen talde mexikarra. Kontzertu bakarra eskainiko dute Euskal Herrian.

Policia Interior: Gironatik, punk musika lantzen duen banda. Gure barnean dugu poliziaren kontrako doinuak.

The skunks: Suizatik zuzenean, hardcore punk doinuak.

Ekainaren 28an, larunbatean, zarata kontzertua edukiko duzue Lasarteko Zulon. Bertan, Zarauztarrak diren Ernia eta Andoaingo Herena taldeak edukiko ditugu. Kontzertua gaueko 22:00etan hasiko da.

Astearte honetan, ekainaren 17an hardcore kontzertua edukiko dugu Zarauzko Putzuzulo Gaztetxean. Bertan, Mexikokoak diren eta Europan zehar biran datozen Crimen eta Bilboko Diswar taldeak edukiko ditugu. Kontzertua 21:30etan hasiko da, 23:00etarako amaitua egon behar du eta.

Aste honetan beraz ez dugu ZarataZarautz saioa egingo, kontzertua antolatzen nahiko lan badugulako.

Ostiral honetan, Ekainaren 13an, Hilkar talde Zarauztarraren eta bolada luze batean jo gabe egon diren Adikune ikusteko aukera izango duzue Donostia Gros Auzoko Kortxoenea Gaztetxean. CAN VIESekin elkartasun kontzertua izango da gainera.

Dakizuen bezala Bartzelonako CAN VIES zentro sozialaren desalojoaren ondotik 80 atxilotu baina gehiago eta 2 espetxeratu izan dira. Horren aurrean, fidantzak eta abokatuen gastuak ordaintzeko elkartasun kanpaina bat abiarazi dute Santsen, eta Kortxoenetik, kanpaina honi ekarpen txiki bat egin nahi diogu, eta kontzertuaren etekinak beraientzat izango dira.

Igande honetan, Ekainaren 8an, sekulako crust kontzertua dugu Zarauzko Putzuzulo Gaztetxean. Bertan, Donostialdeko Hell Division, Infernoh Suediarrak eta Estatu Batuetako Nomad edukiko ditugu. Kontzertua 21:00etan hasiko da eta gogoratu 23:00etarako amaitua egon behar duela.

Astearte honetan, Ekainaren 3an, hardcore kontzertu itzela edukiko dugu Lasarteko Zulo Aretoan. Bertan, Suitzatik datozen Rene Biname Anarko Punk talde mitikoa egongo da. Beraiekin batera, Metralleta Zarauztarrek joko dute. Kontzertua 20:30etan hasiko da.

Asteazken honetan, Maiatzaren 14an, Managaitz Zarauztarren eta Hysterics Estatubatuarren kontzertua edukiko dugu Zarauzko Putzuzulo Gaztetxean.

Maiatzaren 9an, ostiralean, seguruenik urteko zarata kontzertua izango dena edukiko dugu Putzuzulon. Gaueko 22:00etatik aurrera, Azpeitiako Gaitze, Zarauzko Metralleta eta Dictadura eta Chicagotik datozen Los Crudos mitikoak edukiko ditugu. Zarautzen asteazkenean kenduko dira Arrano Tabernan salgai dauden sarrerak!!!!

Metralleta taldeak, Sestaoko Txirbilenean joko du larunbat honetan, Maiatzaren 10ean. Santurtzin ospatuko den Tatto Circusarentzat dirua ateratzeko jaialdia izango da eta hainbat talderekin batera ariko da arratsaldeko 19:00etatik aurrera.

Maiatzaren 7an hardcore kontzertua edukiko duzue Mogambon. Bertan, Zarauzko Ernia eta Austriatik datozen Indoctrinate edukiko dituzue. Peña bera bertan egongo da!!!