Diskoiraa talde Zarauztarrak Mogambo aretoko irekiera festan joko du. Udako oporraldia amaituta, ateak berriro irekiko ditu Trintxerpeko aretoak, Irailaren 18an, larunbatean.
Diskoiraako lagunekin batera, Yaw, Keep Digging, Bergarako Hardflip, Orioko Citizen Kane eta Estatu Batuetatik datozen Abrupt taldeek joko dute.
Diskoiraa eta Ezereza taldeek kontzertuak dituzte astebukaera honetan. Ezerezako lagunek, Amurrioko La Cuadra etxean joko dute Maitatzaren 15ean, larunbatean. Bertan, beste lau talderekin joko dute, Habemus Kaos, Annunaki Revenge, Down To Agony, Fabrika de Idiotas taldeekin hain zuzen ere.
Diskoiraakoek berriz, Putzuzulo Gaztetxean joko dute Bartzelonako Amenaça taldearekin, igandean, Maiatzaren 16an.
Dirtaa eta Diskoraa talde Zarauztarrek kontzertuak dituzte astebukaera honetan.
Maiatzaren 7an, ostiralean, Dirtaa taldeak du kontzertua. Donostiako DOKA Aretoan joko dute R Andoaindarrekin.
Maiatzaren 8an, larunbatean, Diskoiraa taldeak Izarbeltz Ateneoaren 4. urteurrenean joko du. Bertan, Insolventes talde Bilbotarrarekin eta Flying Ladies Errioxarrekin joko dute.
Euskal preso politikoen alde Anmistiaren Aldeko Mugimenduak antolatzen duen ibilaldia da Pausoz Pauso ekimena. Larunbatean, apirilaren 25ean izango da eta Azkoititik Zarautzerako bidea egingo dute eskualdeko hainbat eragilek. Eta eragile horien artean, ZarataZarautz osatzen dugun lagunak egongo gara.
Goizeko 10:00etan abiatuko da martxa Azkoitiko plazatik Azpeitiarantz. Azpeitiatik igaro ostean Zestoarantz joango dira. Zumaiara iristean, 14:30ak aldera, herri bazkaria egingo da eta bazkalostean, arratsaldeko 16:30ak aldera berriz ere martxari ekingo zaio. Getariatik igaro eta Zarautzen amaituko da ibilaldia. Arratsaldeko 19:30ak aldera Musika plazan izando da amanera ekitaldia eta baita indar berritzeko txotxa ere. Gauean kontzertuak egongo dira gaztetxean. “Egurra eta kitto”, “Fridays Crew” eta “Mercenarios” taldeek joko dute.
Honez gain, Arraio irratiak zuzeneko emankizuna egingo du goizeko 10:00etatik aurrera.
Aupa kaixo:
Hemen idazten dugu Orlovatik, Txekiatik. Iada biraren erdia egina dugu. Ostiralean hasi ginen Gironan, Martxoaren 26an, Los Democratas eta Crosta taldeekin jo genuen bertan, etxe okupatu batean. Gironan bertan, 4 edo 5 etxe okupatu omen daude. Hurrengo eguna Marsellan izan zen, Entrophy izeneko areto batean. Bertan, Mello izeneko lagun bat ezagutu genuen, Venezuelakoa bera.
Kontzertua itzel joan zen, nahiz eta gure aurretik jo zuten batzuei ez dakit nola utzi zieten jotzen. C-uter bezalako taldearen antza hartu genion. Kontzertuaren ostean DJ bat hasi zen musika jartzen. Giro ezin hobean geundela, berri txar batekin etorri zitzaigun gure abeslaria, gure autoan lapurtu zutela. Autoko kristal bat hautsi eta gure pasaporte guztiak, gidatzeko baimen batzuk, mobilen bat eta 50 eeuuro inguru lapurtu zizkiguten. Honen ondorioz, bira guztia kristalik gabe egiten ari gara. Hala ere, hurrengo egunean konponketa txiki bat egin genion Milanoko Villa Vegan etxe okupatuan. Honez gain, pasaporte berriak egiteko Ljubjiana eta Milanoko kontsulatuak ezagutu behar izan ditugu, baita beraien inkonpetentzia ere.
Milanen ere oso ongi tratatu gaituzte. Kontzertua baino lehen Genovako fanzine anarkista baten aurkezpena entzuten egon ginen. Gure italiarra bikaina denez, ez genuen arazorik izan hitzaldia ulertzeko (juas!}. Honen ondoren, guri iritsi zitzaigun txanda hitzaldia emateko. Putzuzulo Gaztetxearen inguruan eta Arraio Irratiaren inguruan egon ginen hizketan. Hala ere ez zuten interes gehiegi gai hauei buruz, Euskal Gatazkaren inguruan eta AHT-ren inguran galdetu ziguten eta.
Esloveniako kontzertuak ere oso ongi joan dira. Kranjen jo genuen kontzertuan ez zen jende gehiegi egon. Hala ere esanguratsua da nola Eslovaneniako Zentru Sozial batean piszina olinpiko bat egon daiteken. Ljubjianan ere primeran tratatu gaituzte.
Rijeka eta Zagreben ere ezin hobeto ibili gara. Bertan, garbi geratu da batzuek ez dutela kanpeatzeko ez klase ezta estilorik ere ( lasai izenik ez dugu esango hemen].
Jende eta giro aldetik, kontzertu onenak Kroazia eta Hungriakoak izan dira. Ajkako kontzertuan esaterako, Casteller bat eta guzti egin ziguten. Diskoiraaren istoriako kontzerturik onena izan da dudarik gabe.
Momentuz ez dugu ezer gehiago kontatzeko, interneteko aukera dugun hurrengoan idatziko dugu. Eta biratik itzultzen garenean gure furgonetan idazten ari garen kuadernoa webgune honetan eskegiko dugu irakur dezazuen. Oraingoz ezer gehiago ez.
Diskoira+Lope+Lagun Izoztua
Diskoiraa taldea ere Europar bira irtengo da ostiral honetan. 17 egunetan zehar, Frantzia, Italia, Eslovenia, Kroazia, Serbia, Eslovakia, Hungria, Austria, Alemania eta Suitza bezala herrialdeak zeharkatuko ditu, 16 kontzertu eskeiniz. Hauek dira data:
MARTXUA!!!!
26 GIRONA!! Catalunya + Crosta + Los democratas
27 MARSEILLE!!!! Frantziya ENTRHOPY CLUB
28 MILANO!!! Italiya VILLA VEGAN SQUAT + Spettro
29 KRANJ!!! Slovenia AKD IZHBRU + Lucky funeral
30 LJUBLIANA!! Slovenia TOVARNA ROG
31 RIJEKA!!!!! Croatia @PODRUM + All day hell + Melete
APIRILA!!!!
1 ZAGREB!!!! Croatia
2 AJKA!!!! Hungary IZVILAV + Iszonyat + Lépéselőny + Direkt?! + More Drive
3 BUDAPEST!!! Hungary POGO LOCO CLUB + Qss + Human herror + Maradek + Akroprolis
4 BANSKA BYSTRICA!!! Slovakia IRISH PUB
5 ORLOVA!!! Chezch Rep. FUTRA CLUB
6 WIEN!!! Austria EKH SQUAT + Concrete sox
7 GRAZ!!! Austria
8 WINTERTHUR!!!! Switzerland GGS31 SQUAT + Any port in the storm + Turning cold
9 KONSTANZ!!! Germany THE 9 DARTER + Ruins + Erantzun
10 TOULOUSE!!!! Frantziya LE RAGTIME + Bakteriien kavalkade + Girrhose atak
Martxoko lehen astebukaera kontzertu askorekin dator zaratazaleentzat. Ostiralean esaterako, bi kontzertu interesgarri egongo dira. Lezoko Txerrimuñon, Diskoraa, Karkaba eta Toil taldeen kontzertua egongo da. Kontzertu hau gainera, Zintzilik Irratiaren antena berria erosteko dirua ateratzeko da.
Egun berean, baina Bermeoko Nuntxaku Zentruan, Zarauzko Humilitate, Bermeoko Powerflip eta Mallorkatik datozen Mostros taldeak ariko dira.
Larunbatean berriz, Martxoaren 6an, kontzertu oso interesgarri bat izango dugu Zarauzko Putzuzulo Gaztetxean. Bertan, Zarauzko Sorginak eta Bilgune Feministak antolatuta, Mostros eta Las hijas de la Evasion taldeak jardungo dira.
Kontzertu sorta honekin amaitzeko, larunbatean bertan beste zita zaratatsu bat izango duzue Lobato Etxean. Kasu honetan, Tres 41, Ulu, KaosarenerasoaK eta Nazkazakatuak taldeak joko dute. Honen ostean DJ sesioa egongo da Andoni eta Axiommyren eskutik.
Otsailaren 19an ospatu zen ZarataZarautz Festeko bideoak sarean daude iada. Bideoetan ez dira talde guztiak ateratzen baina guapoenak behintzat agertzen direla esan dezakegu jajaja. Gozatu ezazue!!!
Kontzertu askotxo izango dituzte astebukaera honetan Zarauzko talde batzuek, bai hemen inguruan eta baita Espainiar Estatuan ere. Kanpora aterako direnak, Humilitate eta Burux Lee taldeak izango dira. Lehenak, Burgosen ariko dira ostiral honetan, Otsailaren 26an eta Otsailaren 27an, larunbatean, Madrilen joko dute Gizmo Kaka Festean. Hemen, Burux Lee taldearekin elkartuko dira eta Wild Dogs eta Codia taldeekin joko dute.
Kontzerturen bat duen beste Zarauztar taldea, Diskoiraa da. Europar bira egin baino lehen kontzerturen bat emango dute hemen inguruan. Kasu honetan, Amurrioko La Cuadra etxean izango dira Saloon Party jaialdian, larunbatean hau ere. Bertan, Raiser, Ataud eta Ametsgaizto taldeekin joko dute.
Otsailaren 16ko ZarataZarautz irratsaioan, Putzuzulo Gaztetxean burutuko den II. ZarataZarautz Festaz hitzegingo dugu. Ez dakizuenentzat, esan lehen bataila Lobato Etxean burutu zela. Bertan, bi eszenatokitan banatuta, Zarauzko 10 taldek joko dute, lehenik talde batek abesti bat joko du eta ondoren beste taldeak beste abesti bat. Horrela, talde bakoitzak 8 abesti joko ditu.
II. gerra honetan parte hartuko duten taldeak Metralleta, Diskoiraa, Ulu, Erantzun, Humilitate, Inor Ez, Burux Lee, MKT, Dirtaa eta Ezereza izango dira.
Astearte honetan, talde hauetako partaide batzuk izango ditugu gonbidatu gisa, B Jauna eta Lagun Izoztuarekin batera. Beraz ez ahaztu asteartean, gaueko 21:30etatik aurrera FMko 99.3a sintonizatzea edo internet bidez entzutea.