Gure lagun bati 4000 euro eta bi urteko kartzela zigorra ezarri nahi diote. Hau dela eta, Zaratazarautz kolektiboak, ostiral honetarako bertarako Elkartasun jaialdia antolatu dugu Putzuzulo Amets Fabrika, Zarauzko Gaztetxean. Helburua gure lagunarentzat dirua ateratzea izango da eta horretarako denon beharra izango dugu egun gutxi hauetan jaialdi honen berri eman eta zabaltzeko. Zuen laguntza beharrezko dugu ostiralean putzuzulon festa egiteko. Lagunekin elkartu eta Nazien inpunitate eta oldarraldia salatzeko. Mesedez, lagundu iezaguzu mezua zabaltzen, eta ostiralean bertan ikusiko garelakoa.

Eibarko gaztetxe berrian Fly Shit eta Hardflip bergararrek Ernia zarauztarrekin partekatuko dute eszenatokia.

Datorren zapatuan, apirilak 28, kartzelen gaineko eztabaida izateko aukera egongo da Eibarko Gaztetxe Okupatuan. Arratsaldeko 19:00etatik aurrera urteetan kartzela ezagutu duen preso sozial batek solasaldia eta eztabaida eskainiko du gero. Ondoren Fly Shit, Hard Flip eta Ernia taldeek kontzertua eskianiko dute 21:00etatik aurrera. Nahi duenak pintxoak izango ditu afaltzeko!

Asteazken honetan Labi eta Xaporra kartzelatik irtengo dira bertan urtebete egin ondoren. Mila aldiz salatu dugu zein arrazoigatik giltzaperatu zituzten eta ez gara berdina behin eta berriz errepikatzen ibiliko. Baina bai gogoratu nahiko genuke ostiral honetan, Apirilaren 27an gure lagun, Txixaparraztako kide eta Vistalegre kide den Labiri omenaldi txiki bat egingo diogula Zarauzko Arrano tabernan. Arratsaldeko 20:30etatik aurrera 12 taldek joko dugu bertan. Txixaparrazta, Erantzun, Metralleta, Humilitate, Diskoiraa, MKT, Dirtaa, Hilkar, B.A.F., Inor Ez, Ernia eta Napalm taldeak joko dugu.

Kontzertuak gaueko 01:00etarako amaitua egon behar du eta hortaz dena ziztu bizian joango da.

Otsailaren 3an, ostiralean, bi Zarauztar talderen kontzertua izango da Kirkil Tabernan. Arratsaldeko 20:00etatik aurrera, Ernia eta Diskoiraa taldeak egongo dira tabernako hormak mugiarazten.

Berandu baina seguru!! Azken egunak hospital batean igarotzeak horrelakoak ekartzen ditu… Crust kontzertu bortitza Getariako Gaztetxean! Egurra latza! Euskal Herriko, Belgikako eta Suediako taldeak igoko dira oholtza gainera. Kontzertua gaueko 21:00etan hasiko da.

VISIONS OF WAR: Belgikatik crust bortitza bi ahotseta

INFERNOH: Suediako talde berria, anti.cimex edo eta totalitar taldeen arteko nahasketa!

HELL DIVISION: tanke batzuk zure gañetik pasatzen

HILKAR: Urretxu-zumarraga punk/metal konexion, doñu astunak, ilunak eta azkarrak

ERNIA: Zarauzko hirukotea, hcpunk narratza eta zikiña

Kontzertu zaratatsu oso interesgarria edukiko dugu bihar Zarauzko Arrano tabernan. Bertan, Zarauzko Ernia taldea eta Torellotik datozen Extensity taldeak edukiko ditugu gaueko 21:30etatik aurrera.

Ernia taldeak, Txoko-aldeko Akerra Gaztetxean joko du ostiral honetan, azaroaren 18an. Bertan, Lasarte Keep Digging eta Italiatik datozen Carlito taldea ere egongo dira. Kontzertua 23:00etan hasiko da.

Astebukaera honetan ere gure taldeek zenbait kontzertu emango dituzte inguruan. Hasteko, larunbat honetan, Urriaren 15ean, Beasaingo Gaztetxean egongo den kontzertuaz mintzatuko gara, Bertan, eta Gaztetxearen urteurrenaren barruan, Erniako hirukotea edukiko dugu zarata egiten, Mantala No!, Hell beer boys, The last strength eta Nerviosah-rekin batera.

Honez gain, Hilkar eta Humilitatekoek ere Donibane-Ziburuko Gaztetxean joko dute egun berean. Egun honetako kartela ez dugunez, hemen Humilitatekoen bideo “bikain” bat.

Ernia taldeak Getariako Gaztetxean joko du larunbat honetan, Uztailaren 9an. Bertan, Lasarteko Lili & The Tomboys Punk Rock taldearekin eta Alemaniako Modern Pets taldeekin ariko da.

Bejondeigula Produkxionsen eskutik Ernia talde Zarauztarrak aurtengo Pelaiosanetan emandako kontzertuaren bideo batzuk ditugu sarean. Ikusi nahi badituzue,  jarraian dituzue: