Ostegun honetan, Irailaren 6an zarata kontzertu itzela egongo da Soraluzeko Gaztetxean. Bertan, eta dena ongi badoa, Zarauzko Metralleta (aspaldiko partez!!!) eta Kanadatik datozen Ilegal taldeak egongo dira belarriak zulatzen.
Guzti hau, esan bezala ostegunean, gaueko 21:00etatik aurrera eta 3 eeuuroren truke
Abuztuan ere egurra banatzeko asmoarekin datoz Zarauzko Gaztetxian, zaratantzako ‘oporrak’ hitza ez dutelako ezagutzen.
Abuztuaren 20rako, astelehenerako, Porkeria eta Metralleta taldeen emanaldia prestatu da. Metralleta taldea zarauztarrek, aurten ateratako LP bat dakartzate besapean, doinu oso azkarrak eta mala letxia topera!! Gainera, etxean jokatzen dute, beraz, emanaldia berezia izango dela aurre ikusi daiteke.
Beraiekin batera Porkeria taldea izango da agertoki gainean, Ameriketako Estatu Batuetako Texas hegoaldeko taldea. Europa zaharra konkistatzera etorri dira, kontzertu biran, eta musikalki Hardcore azkarra eta zuzena jorratzen dute, Los Crudos edota Huasipungo taldeen kutsuarekin.
Metralleta eta Dictadura taldeek beraien diska berriak “aurkeztuko” dituzte zuzenean astebukaera honetan. Lehen kontzertua Getariako Gaztetxean izango da, ostiralean, ekainaren 8an. Bertan, Donostialdeko Achtung eta Bartzelonako Glam taldeekin egongo dira.
Larunbatean berriz, Orioko Gaztetxean izango da kontzertua talde berberekin. Orioko gaztetxean atera behar duten aldizkari bat aurkezteko kontzertua antolatu dute eta lau taldeez gain DJ Latigo eta DJ Elektropeña ere izango dira.
Apirilaren 27an Labi eta Xaporrari ongietorri kontzertu bat egin genien herriko 13 taldek. Apur bat berandu bada ere hemen dituzue egun horietako irudiak:
MKT
Dirtaa
Hilkar
Napalm Beach
Inor Ez
Erantzun
Humilitate
Diskoiraa
Metralleta
B.A.F.
Ernia
Anestesia
Txixaparrazta
Esker bereziak Bejondeigula Produkxionsi!!!!!
Gure lagun bati 4000 euro eta bi urteko kartzela zigorra ezarri nahi diote. Hau dela eta, Zaratazarautz kolektiboak, ostiral honetarako bertarako Elkartasun jaialdia antolatu dugu Putzuzulo Amets Fabrika, Zarauzko Gaztetxean. Helburua gure lagunarentzat dirua ateratzea izango da eta horretarako denon beharra izango dugu egun gutxi hauetan jaialdi honen berri eman eta zabaltzeko. Zuen laguntza beharrezko dugu ostiralean putzuzulon festa egiteko. Lagunekin elkartu eta Nazien inpunitate eta oldarraldia salatzeko. Mesedez, lagundu iezaguzu mezua zabaltzen, eta ostiralean bertan ikusiko garelakoa.
Zintzilik Irratiko Lepotik Zintzilik irratsaioan, Zarauzko taldeen errepasoa egin dute aste honetan. Estigia, Anestesia, Folkcore, Burux Lee, Erantzun, Metralleta, Diskoiraa, Iñor ez, Dirtaa, Humilitate, Zulo edo Thrashgression bezalako taldeen doinuak jarri zituzten atzo asteazkenean.
Irratsaioa entzun nahi baduzue, podcastean duzue. Eta milesker irratsaioa burutzen duzuenoi!!!!
Metralleta eta Humilitate taldeek kontzertu bana dute astebukaera honetan. Hasteko, Metralletakoek, Anoetan izango dute ostiralean, Maiatzaren 4ean, bertako gaztetxearen 13. urteurrenean. Eta beraiekin batera Donibane Lohitzuneko Izate taldea ere egongo da.
Maiatzaren 5ean berriz, larunbatean, Humilitatekoen txanda izango da. Hauek, Zumaiako Torreberri Gaztetxean egongo dira Salamankako Lokhul eta Bataalla taldeekin batera.
Asteazken honetan Labi eta Xaporra kartzelatik irtengo dira bertan urtebete egin ondoren. Mila aldiz salatu dugu zein arrazoigatik giltzaperatu zituzten eta ez gara berdina behin eta berriz errepikatzen ibiliko. Baina bai gogoratu nahiko genuke ostiral honetan, Apirilaren 27an gure lagun, Txixaparraztako kide eta Vistalegre kide den Labiri omenaldi txiki bat egingo diogula Zarauzko Arrano tabernan. Arratsaldeko 20:30etatik aurrera 12 taldek joko dugu bertan. Txixaparrazta, Erantzun, Metralleta, Humilitate, Diskoiraa, MKT, Dirtaa, Hilkar, B.A.F., Inor Ez, Ernia eta Napalm taldeak joko dugu.
Kontzertuak gaueko 01:00etarako amaitua egon behar du eta hortaz dena ziztu bizian joango da.
Metralleta taldea Europar biran irtengo da ostiral honetan bertan. Bi astez, Alemania, Suitza, Txekia, Polonia, Belgika eta Holandako hirietan ibiliko dira biran beraien diska berria aurkezten. Friburgon hasi eta Ziburuko Gaztetxean amaituko den biran 10 kontzertu inguru emango dituzte.
Aste honetako ZarataZarautz irratsaioan Metralleta taldeko kideak edukiko ditugu. LP berria kaleratu berri dute eta hau aurkeztera etorriko zaizkigu. Honez gain, Aste Santuetan Europan zehar egin behar duten 2 asteko biraren berri ere izango dugu. Honen ondorioz, saioa ere berezia izango da, irratiko kide eta entzule den Disgalerna edukiko dugu irratsaioaren gidaritzapean, Metralletatarrei galderak eginez.
Gogoratu, zure astearteko zarata dosia gaueko 21:30etan hasiko dela FMko 99.3an edo internet bidez.
Atzo Disgalerna eta Metralletako kideekin egin genuen saioa podcastean duzue. Playlista berriz HEMEN.