Astebukaera berri bat dugu aurrean eta Zarauzko zarata taldeek kontzertu batzuk eskeiniko dituzte. Hasteko, gaur bertan Erantzun eta Metralleta taldeek kontzertua izango dute Ordiziako Kirkil tabernan, arratsaldeko 20:00etatik aurrera.

Bestetik larunbatean ere kontzertu itzela izango da Laudioko Orbeko Etxean. Bertan lau taldez gozatzeko aukera edukiko duzue. Kantabriako CrisisChrist, Bilboko Boa Morte eta Zarauzko Diskoiraa eta Metralleta berriz ere.

Metralleta taldearen LP berria kalean da. 2009 eta 2010ean Kobory eta Diskoiraa taldeekin elkarbanaturiko lanen ostean, 12 hatzbeteko bat kaleratu berri dute.

Diska hau 2011ean grabatu zuten laukote bezala eta bertan 13 abesti ageri dira, tartean, Ezin Izan, Kamikaze eta Afonia taldeen moldaketa bana. Abestien hitz batzuk berriz, Labi eta Ekhiñek eginikoak dira eta plastiko zatian leku apur bat geratzen zenez, 2007an Tximasekin grabaturiko eta oraindik argitaratu gabe zeuden Coche Bomba eta Obni taldeen bertsio pare bat ere sartu dituzte. Lan honen diseinua berriz, Aritz Aranbururen eskutan geratu da.

Diska hau taldeak berak eta kaleratu du KHHAPSPMCH zigiluaren laguntzaz. LPa lortu nahi baduzue honako helbideetara idatz dezakezue:

zaratazarautz@arraio.net
khhapspmch@yahoo.es

Baina binilorik entzuteko aukera ez baduzue, HEMEN klik egin dezakezue.

Metralleta taldea, Filferro Records zigiluak kaleraturiko Guilty of Being DIY Lp bilduman irteten da. 22 talde Europarrek osaturiko bilduma honetan parte hartu du Pertxenta abestiarekin.Lp-az gain, CDa ere ekartzen du.

Beraiekin batera, El punto devil, The Capaces, Zinc, Estricalla, Drama, Adrenalized edota Error bezalako taldeen abesti bana ere agertzen da.

Norbaiti interesatzen bazaio,errekopilatorio honen kopia batzuk ditugu salgai. Nahi duen edonork, zaratazarautz@arraio.net helbidera idatzi besterik ez du gurekin kontaktuan jartzeko.

Metralleta taldeak Elorrioko Gaztetxean joko du Martxoaren 9an ostiralean. Gaueko 23:00etan hasiko den kontzertuan, Donostiako Hell Division, Asturiasko Nietos De Puta eta Mallorkako Net Weight taldeekin jardungo da. Metralletakoek gainera, kaleratu berri duten LP berria aurkeztuko dute.

Urretxu-Zumarragako KKinzona irratiko ZaratataraZ irratsaioak Metralleta taldearen inguruko irratsaio berezi bat burutu dute, Tximas aske utzi zutela eta. ZarataZarautzen konpetentzia den saioak, Tximasen taldea denaren abesti batzuekin saio berezia egin du eta entzungai duzue arrosa irrati sareko webgunean edo hemen bertan, podcastean.

Metralleta eta Hilkar taldeek Zarauzko Arrano tabernan joko dugu gaur, gaueko 21:00etatik aurrera, Tximasek merezi duen omenaldia emateko.Gonbidatuak zaudete!!!!

Metralleta eta Humilitate taldeak Beasaingo Gaztetxean ariko dira larunbat honetan, otsailaren 11ean. Ondorengo taldeak ariko dira bertan:

FIEMO (Punk Iruñea)
HIC SVENT LEONES ( Rock Iruñea)
METRALLETA (Hardcore Zarautz)
HUMILITATE ( Hardcore Zarautz)
UHULU (Rock stoner Lizarra)
… Pantxiño (DJ)

Larunbat honetan, Urtarrilaren 28an II. Defenestre Fest jaialdia ospatuko da Putzuzulon. Arratsaldeko 17:00etatik aurrera honako talde zaratatsu hauek ikusteko aukera edukiko duzue:

Erantzun
Metralleta
Almax
Diswar
Kamorrah
Destierro
Derrota
Nerviosah
Pornosaurio
Hell Division

Zuzeneko kontzertuak amaitu eta gero gainera, disko jartzaileen txanda izango da. Hor izanen dira Viniloekin tiro egiteko prest Dj Johm Wayne eta DJ Clit Eastwood.

Metralleta taldearen LP berria iritsi da iada. Lagun Izoztuaren etxeko komunean daude salbu. Laister kalean egotea espero dugu…

Metralleta eta Erantzun taldeek kontzertuak edukiko dituzte astebukaera honetan. Abenduaren 3an, Orioko Gaztetxean egongo dira jotzen ESOAIN FEST jaialdian. Errepresioak ezarritako isunei aurre egiteko mobilizazio egun bat antolatu da Orion. egun osoko egitaraua izanen da, non arratsean kontzertu akustikoa eta gauean zarata gaua antolatu den. Gaueko kontzertua 22:30tan abiatuko da, eta taula gainean hiru musika talde, berriz: Mutürbeltz, Metralleta, eta Erantzun. Gaua borobiltzeko Disko Jartzaileak izango dira. Metralletan, Krixpinen estreinekoa edukiko dugu bajua jotzen.

Igandean ere eta arratsaldeko 18:00etatik aurrera, Erantzunek kontzertua edukiko du Zarauzko Putzuzulo Gaztetxean. Kontzertu honetan, beste talde hauekin ere joko du:

AFGANISTAN YEYES: Berriz ere gure artean zuzeneko show-en erregeak! kataluniatik betiko hc-punk-a! hasi ezpatak zorrozten!! Culandra-rekin ateratako diska berria aurkeztuko dute!

ASPIRINA INFANTIL: Mallorkatik datorren taldea! diska berria eskuartean dutelarik datoz Verbal diarrea, phogo, fun people, st andrius eta antzerako taldeetan aritutako musikariak

FLY SHIT: Bergarako talde mitikoa! beste behin putzuzulon, etxean! DVD berria eskuartean dutelarik betiko kantuak eta kanturik berrienak zuzenean aurkeztuko dizkigute.