Metralleta eta Diskoiraaren arteko elkarbanaturiko edizio limitatuarekin lanean jarraitzen dugu. Putzuzulo Gaztetxeko txokorik ilunenean portada berriak serigrafiatzen hasi gara iada.

100 disko berezi hauekin puzzle txiki bat egin dugu. Argazkian ikusten duzuen bezala, spray baten bidez diska guztiak elkartu eta irudi bat egin dugu hauen gainean. Disko hau erosten duen bakoitzak, puzzlearen zati bat eramango du beraz. Lortuko ote dugu hemendik urte batzuetara puzzlearen pieza guztiak elkartzea?

Gogoratu hala ere, binilorik eskuratu ezin duzuenok HEMEN klik eginaz diska oso osorik jeitsi dezakezuela

Kalean da iada Metralleta eta Diskoiraa talde Zarauztarren elkarbanaturiko lana. Luze lan egin ondoren, 7 hatzbeteko binilo bat kaleratu dute.

Metralletako lagunek, 2008an Kobory taldearekin 10 hatzbeteko beste binilo bat atera ostean, sei kantu berrirekin etortzen zaizkigu plastiko zati honetan. Kantu hauek, aurreko laneko grabazio sesio berdinekoak dira, Erdoiztako baserrian 2007an grabaturikoak hain zuzen ere.

Diskoraa taldea berriz, 2008an lehen EP-a kaleratu ostean ete bi Europar bira egin ostean, lan berriarekin datoz. Hauek, bost kantu sartu dituzte beraien aldeko plastiko zatian. Abesti horietako bat gainera, Los Crudos talde mitikoaren bertsio bat da.

Bi taldeen lan berri honen 525 kopia kaleratu dira bi kolore ezberdinetan. 410 kolore beltzean eta 115 kolore arrosan atera dira. Gainera, diska batzuen diseinua serigrafiatuak izango dira (100 kopia).

Diska hau, hiru zigilu ezberdinen laguntzaz kaleratu da. Oreretako KHHAPSPMCH, Bilboaldeko DISCOS ENFERMOS eta Mallorkako MANGEL zigiluek kaleratu dute alegia.

Biniloa eskuratu nahi baduzue hemen dituzue kontaktuak:

DISCOS ENFERMOS–> discosenfermos@gmail.com
KHHAPSPMCH–> khhapspmch@yahoo.es
MANGEL–> mallorcapunk@hotmail.com
METRALLETA–> zaratazarautz@arraio.net
DISKOIRAA–> diskoiraa@gmail.com

Hala ere, binilorik entzuteko aukerarik ez baduzue, leku honetatik jeitsi dezakezue oso osorik HEMEN klik eginaz.

Aupa lagun zaratatsuak!!!

Astearte honetan hurrengo asteburuko kontzertuak izango ditugu protagonista. Alde batetik larunbatean Semen + Hyökkäys + Surrender taldeen kontzertu paregabea izango dugu Putzuzulo gaztetxean 22tatik aurrera.

Eta beste aldetik Imperial Leather Suediarren bisita ere izango dugu hizpide, beraien diskografia errepasatuko dugu. Hontaz aparte Cop de Fona taldearen 7″ oparituko dugu eta beste talde batzuen zarata entzuteko parada ere…. Raiser, Camara de Gas, Contravene, APolitical, Diskoiraa eta Metralletaren lan berria eta beste talde batzuk ere errepasatuko ditugu.

Gogoratu, Zarautzen baldin bazaudete FMko 99.3an entzun ahalko diguzuela 21:30etatik aurrera. Herritik kanpo egon ezkero eta irratsaioa entzun nahi baduzue, zuen musika erreproduktorean ondoko link hau jarri ezazue: http://www.arraio.eus:9001/irratia.ogg

Zarauzko Hainbat musika taldek bere atxikimendua eman diote Gurekin Jai batzordeari. Zarauzko udaletxeak azken aldian ezartzen ari zaizkien neurri eta debeku ezberdinak ikusita, Zarauzko Gurekin Jai Batzordeak atxikimendu kanpaina bat ekin zuten Udalaren jarrera salatzeko.

Atxikimendu hauen baitna, Zarauzko hainbat musika taldek beraien babesa eman diote Gurekin Jairi. Orain arte honako hauek dira taldeak:

METRALLETA
ERANTZUN
CULANDRA
HUMILITATE
STOCKHOLM SS
DISKOIRAA
EZEREZA
DIRTAA
MKT
BURUX LEE
INOR EZ
HARLORE
MANTISA
TXIXAPARRAZTA
ANESTESIA

Beste talderen batek bere babesa eman nahi badu, zaratazarautz@arraio.net helbidera idatzi ezazue mesedez.

Honez gain, gogoratu Maiatzaren 29an eta arratsaldeko 19:00etatik aurrera, Asanblada irekia egingo da Munoan bertan.

Ekainaren 5ean berriz, prentsaurrekoa burutuko da Munoan ere, arratsaldeko 19:00tan.

Youtube webgunean begira ibili ondoren Metralleta taldearen bideo bat aurkitu dugu sarean banaturik. Taldearen Maita Nazazu abesti hau, espetxeen aurka egin ziren jardunaldietako kontzertukoa izango da seguruenik. Ez da gauza gehiegi ikusten (eskerrak) baina agian kuriositatea izango duzue.

Bideoa ikusteko klikatu ezazu HEMEN.

Metralleta talde Zarauztarrak bi kontzertu eskeiniko ditu Puerto Ricoko La virgen del pozo eta Tropiezo taldeekin. Lehen kontzertua, Apirilaren 23an izango da, ostegunean, Putzuzulo Gaztetxean.

Bigarrena berriz, Apirilaren 24an izango da, ostiralean, Trintxerpeko Moganbo aretoan. Kontzertu honetan gainera, Errioxakoak diren Habemus Caos taldeak ere joko du.

Beno azkenean iritsi gara etxera, bueltako bidaia oso gogorra egin zaigu baina osorik iritsi gara.

Guissenen emaniko kontzertua ez zen beste munduko ezer izan. Bartzelonaren eta Bayern Munichen partidua telebistan egonda, oso jende gutxi gerturatu zen kontzertura (6 bat lagun). Gainera, Diskoiraako baten batek ez zuen nahi adina gozatu kontzertuaz. Saioa amaitu ostean, ohera joan ginen berehala, egun gogorra izan baitzen.

Hurrengo egunean, gosari alemaniar itzel baten ostean, Mullheim aldera hurbildu ginen. Espedizioko kide batzuk lehenagotik bertan egonak ginen, 2005ean hain zuzen ere, Metralleta eta Zülo taldeekin eginiko biran. Kontzertua hasi baino lehenago ordea, dei bat jaso genuen Itsaso Legorburu atxilotu zutela esanaz, bira honetako beste kolpe gogor bat izan da. Kontzertu honetan, Duisburgekoak diren Misfits Society taldearekin jo genuen. Kontzertura gainera jende apur bat azaldu zen. Arazo tekniko batzuekin hasi zen Diskoiratarren kontzertua baina hala ere saio ona eman zuten. Saioa amaitu ostean eta futbolinean arrasatu ostean, lotara joan ginen, datorren egunean Rotterdamen jo behar bait genuen.

Rotterdamera goizo xamar iritsi ginen. Hiria apur bat ezagutzeko aukera ere izan genuen. Kontzertua, orain dela 20 bat urte okupaturiko eraikin batean eman genuen, nahiz eta iada legalizaturiko eraikin bat den. Bertan beste hiru talderekin jo genuen, Poloniako Antidotum eta Czosnek taldeak eta Frantziako Dissiped taldearekin. Bertan jende ugari gerturatu zen eta taldeek sekulako maila eskaini zuten. Kkontzertuaren ostean beste etxe okupatu batetara eraman gintuzten lotara.

Hurrengo eguenan, birako azken kontzertua eman genuen. Kasu honetan berriz ere alemaniara itzuli ginen, Kolonian jotzeko. Aurreko biran ere leku berean jo zuten Diskoirakoek. Hemen ere beste hiru talderekin jotzeko aukera izan genuen. Lehen biak Alemaniarrak ziren, azkenak berriz biran zebiltzan Estatu Batuar batzuk. Kontzertua amaitu eta azkar xamar ohera joan ginen, datorren egunean, etxera itzultzeko 1400 kilometro egin behar genituen eta.

Bira itzela izan da guretzat, kontzertu ia guztiak oso ongi irten dira, jendea hurbildu asko hurbildu da bertara, ez dugu inongo zulo ekonomikorik egin, poliziarekin ez dugu arazorik izan, talde eta jende itzela ezagutu dugu… Gauza txarrak apenas izan ditugu, furgonetarekin edukitako arazo txikiren bat salbu guztia nahikoa ongi irten da. Ekaitz Sirbenten atxiloketak Brnon harrapatu gintuen eta Itsaso Legorbururenak berriz Mullheimen. Lerro hauetatik besarkada handi bat eman nahi diegu biei.

Aupa gente:

Oraindik bizirik gaudela adierazteko idazten dizuegu. Vienako kontzertu itzelaren ostean, Eslobakiako herrialdea zapaldu genuen. Banska Bystricara joan ginen Irish Pub batean jotzera. Kontzertua arratsaldeko zortzietan hasten zen eta gurekin batera Pascuda eta Crusade of Fanatism taldeak jotzen zuten. Sekulakoa izan zen kontzertua, bai taldeek emantako mailarekin eta baita egondako giroagatik ere. Hala ere konturatu gara, Eslobakian ez dakitela parranda dezente bat botatzen. Gau amaiera nahikoa biolento eta arazotsua izan zen.

Banska Bystrikan jo ostean, Txekia zapaldu dugu bi kontzertu emateko. Egia esan, Eslobakia eta Txekia arteko bidea gogorra egin zaigu, hiru atasko tragatzeaz aparte, herrialde hauetako errepideak ez dira batere egokiak. Txekiako lehen kontzertua, Brnon izan da. Hemen ere izugarria izan da kontzertua. Hiru talde Grindcorerekin jo dugu eta disko batzuk erosteko aukera ere izan dugu. Bigarrena, Liberecek eman dugu, Petraren laguntzaz. Kontzertu hau bertako kampuseko taberna batean izan da. Iritsi eta ikusi dugun lehen gauza, Erasmusekin Liberecen dauden Bilbotar batzuk saltsitsak jaten izan da. Kontzertu honetan bi talderekin jotzeko aukera ere izan dugu. Egun honetako gaua ere mugitua izan da. Taberna utzi dugunean 15 bat lagun bertan lotan geratu dira lotarako zaku ta guzti.

Gaur Liepzigen jotzen dugu, etxe okupatu batean. Aurrerago kontatuko dizuegu nola ibili garen. Eta ahaztu baino lehen esan larunbateko Bordeauxeko kontzertua bertan behera geratu dela eta ondorioz, ez Metralletak ezta Diskoiraak ere ezingo dugula Bordeauxeko ateneoan jo.

Amaitzeko, lerro hauen bidez Ekaitz Sirventen familiari gure animo guztiak eman nahi dizkiogu. Oso gogorra egin zaigu bere atxiloketaren berri izateak. Naiz eta Europan zehar ibili, bere egoeraren berri jakiten saiatuko gara. Espero dugu Zarauzko kaleetan atxiloketa honi erantzun zabala emango zaiela.

Ondo izan eta muxuak Alemaniatik.