Irailaren 16an, asteartean, Absolutist talde irlandarra izango dugu Getariko Gaztetxean beraien neocrust tekniko eta indartsua eskeiniz.
Hauekin batera Ernia alde zarauztarrak joko du beraien cd berria aurkeztuz, zuen bihotz taupadak azkartuko duen hardcore azkarra eta bortitza.
Azaldu zaratazaleoook!!
Managaitz Zarauztarren lehen lana kalean da. 4 abestiz osaturiko 7 hatzbeteko bat osatu dute Metralleta, Mor More, Ernia, Diskoiraa, Zülo edota Erantzun bezalako taldeetan jardundako seikote honek.
Bi ahotsetara eginiko hardcore punk melodikoa jorratzen du taldeak eta laster 8 abestiz osaturiko CD bat kaleratuko badute ere, iada 4 abesti hauez gozatzeko aukera duzue.
Baina biniloak entzuteko aukerarik ez baduzue lasai, HEMEN klik eginaz diska jeitsi dezakezue.
Bestalde, diska ondorengo zigilu hauekin kaleratu da. Kopia bat lortu nahi baduzue, eskatu besterik ez duzue, edo kontzertuetan eskuratu:
Discos Enfermos
In My Heart Empire
La Humanidad Es La Plaga
Chaos 666
No Thanks
1984
Canya Records
Crust As Fuck Records
Ekainaren 28an, larunbatean, zarata kontzertua edukiko duzue Lasarteko Zulon. Bertan, Zarauztarrak diren Ernia eta Andoaingo Herena taldeak edukiko ditugu. Kontzertua gaueko 22:00etan hasiko da.
Ostiral honetan, Ekainaren 13an, Hilkar talde Zarauztarraren eta bolada luze batean jo gabe egon diren Adikune ikusteko aukera izango duzue Donostia Gros Auzoko Kortxoenea Gaztetxean. CAN VIESekin elkartasun kontzertua izango da gainera.
Dakizuen bezala Bartzelonako CAN VIES zentro sozialaren desalojoaren ondotik 80 atxilotu baina gehiago eta 2 espetxeratu izan dira. Horren aurrean, fidantzak eta abokatuen gastuak ordaintzeko elkartasun kanpaina bat abiarazi dute Santsen, eta Kortxoenetik, kanpaina honi ekarpen txiki bat egin nahi diogu, eta kontzertuaren etekinak beraientzat izango dira.
Ernia Zarauztarren lan berria entzungai duzue. 7 abesti basatiz osaturiko CDa gure blogean jeisteko aukera duzue iada eta nahi izan ezkero taldearen bandcampean ere entzungai dituzue.
Diska jeitsi nahi baduzue, klikatu ezazue HEMEN.
Astearte honetan, Ekainaren 3an, hardcore kontzertu itzela edukiko dugu Lasarteko Zulo Aretoan. Bertan, Suitzatik datozen Rene Biname Anarko Punk talde mitikoa egongo da. Beraiekin batera, Metralleta Zarauztarrek joko dute. Kontzertua 20:30etan hasiko da.
Azkenean atera da kalera Diskoiraa-koen azken lana LP formatuan. Desagertutako talde honek hardcore/punk koordenada azkarretan mugitzen dira. Hemen duzun lan honetan 2011ko azken grabazioa aurkituko duzu.
A aldean, 12 kanta azkar, zuzen eta basatiak. Letra interesgarriak eta Leiremuttur-en kolaborazio itzela ‘iluntasunean arro’ abestian. B aldean inoiz argia ikusi ez zuten 7” bateko 5 kantekin hasten da, 2008an grabatutakoak eta tartean pare bat omenaldi xumeekin, RIP eta RIPCORD taldeen moldaketekin. Eta LPa bukatzeko Urretxu-Zumarragako gaztetxean egindako kontzertu baten zuzeneko grabazio bat aurkituko duzu. KKinzona irrati libreak egindako grabateka bat da, soinu dexentea duena eta LIMP WRIST handien kanta brutal batekin bukatzen dena.
LParekin batera 2011an Asiako hego-ekialdean egindako biraren DVDa dator, kontzertuak, elkarrizketak…. DVD hau ez duzu sarean aurkituko, kopia bat nahi izan ezkero jarri gurekin kontaktuan: zaratazarautz@arraio.net.
Binilo formatuan lortu nahi badezu diska jo ondorengo zigiluetara:
http://chaos666.com/ edo http://www.discosenfermos.com/
Diska jeitsi nahi baduzue, klikatu ezazue HEMEN.
Asteazken honetan, Maiatzaren 14an, Managaitz Zarauztarren eta Hysterics Estatubatuarren kontzertua edukiko dugu Zarauzko Putzuzulo Gaztetxean.
Maiatzaren 9an, ostiralean, seguruenik urteko zarata kontzertua izango dena edukiko dugu Putzuzulon. Gaueko 22:00etatik aurrera, Azpeitiako Gaitze, Zarauzko Metralleta eta Dictadura eta Chicagotik datozen Los Crudos mitikoak edukiko ditugu. Zarautzen asteazkenean kenduko dira Arrano Tabernan salgai dauden sarrerak!!!!
Metralleta taldeak, Sestaoko Txirbilenean joko du larunbat honetan, Maiatzaren 10ean. Santurtzin ospatuko den Tatto Circusarentzat dirua ateratzeko jaialdia izango da eta hainbat talderekin batera ariko da arratsaldeko 19:00etatik aurrera.
