2014a ongi hasteko M.K.T. taldeko kideak edukiko ditugu ZarataZarautz irratsaioan. Beraien Leherketak Zeruan diska berria ia ia prest dute eta gurean egongo dira hau aurkezten. Honez gain, gure ohiko agendari ere errepasoa emango diogu, beti bezala, asteartean eta gaueko 21:30etatik aurrera.

Atzoko irratsaioa Podcastean duzue. Playlista berriz HEMEN.

Metralleta Zarauztarrek Bartzelonako La Jungla etxe okupatuan joko du urtarrilaren 11ean, larunbatean. La Junglak 15 urte betetzen ditu eta bi eguneko jaialdia antolatu dute honako taldeekin.

LA JUNGLA FEST 2014

OSTIRALA 10:
========
G.A.U. (Berlin)
CONGREED (Freiburg)
PSICOTERROR (Bilbao)
ALERTA! (Bcn)
PERRÄS SALVAJES (Madrid)

LARUNBATA 11:
===========
IRRSINN (Biel)
DERROTA (Valencia)
INSTITUTION (Sweden)
METRALLETA (Zarautz)
INSTINTO (Molins sin Rey)

Diskoiraa taldearen Nasi Goreng Adiktion dokumentala amaitua dago iada. 300 kopia egin ditugu eta Diskoiraa taldeak atera behar duen LParen barruan joango da 2011ean eginiko Asiar biraren dokumentala.

Dokumental honen aurrerapena Putzuzulon egin genuen eta agian beste lekuren batean ere egingo dugu, baina internetera ez dugu igoko, bertan elkarrizketatuak izan ziren batzuk hala eskatuta.

Beraz, kopiarik nahi baduzue edo ikusi nahi baduzue eta LPa hartuko ez baduzue zaratazarautz@arraio.net helbidera idatzi dezakezue eta kopia bat bidaliko dizuegu.

Bihar, ostirala eta arratsaldeko 20:30etatik aurrera, Dictadura Zarauztarren eta Achtung Hernaniarrak Donostiako Atabal tabernan joko dute.

Urtea ongi amaitzeko kontzertua edukiko dugu Donostiako Amara auzoko Atabal tabernan. Abenduaren 31ean, asteartean eta arratsaldeko 18:00etatik aurrera (PUNTUAL!!!) Zarauzko Managaitz eta Bartzelona eta Viena arteko Suicidas taldeak edukiko ditugu zuzenean.

Dictadura taldea Europar biran irtengo da bihar. 9 egunez, Frantzia, Belgika, Holanda eta Alemaniako hirietan egongo dira jotzen, Paris, Berlin edota Amnsterdam bezelako hirietan.

Abenduaren 14ean, larunbatean, Zaratazarautz Batallaren ekitaldi berri bat bizi ahalko da Putzuzulo Gaztetxean. Bertan, bi eszenatokietan 10 musika talde ariko dira zuzenean. Kontzertu honetan atera daitekeen dirua, gure lagunak diren Ekhiñe eta Ekaitzen bixitak ordaindu ahal izateko erabiliko da. Beraz badakizue, nahiz eta zarata ez gustatu, AZALDU!!!!

Batalla:

Managaitz – Pottors ta Klito
Ernia – Hilkar
Txixaparrazta – Inor ez
Metralleta – Humilitate
Erantzun – MKT

Eta aurreko batallak nola joan ziren jakin nahi baduzue, ikusi bideo hauek.

Managaitz eta Metralleta taldeek Mallorkan joko dute abenduaren 6an, ostiralean. Bertan, Mallorka bertakoak diren Usura eta Wasted taldeekin joko dute.

Metralleta taldeak Eibarren lehengo urtetik ospatzen den Atarazarata Fest jaialdian joko du larunbat honetan, arratsaldeko 18:00etatik aurrera. Bertan, Fly Shit, Fraga, Colapso, Diswar, Kamorrah eta Raiser taldeekin egongo da.

Hasiera batean, Managaitz taldearekin jo behar genuen (kartelean jartzen duen bezala) baina lan kontuak medio ezingo dugu jo. Baina lasai, luxuzko ordezko batek joko du eta. Kontzertua oso puntual hasiko da, zarata kontuengatik Eibarko Gaztetxean goiz amaitu behar dute eta.

Ostegun honetan, azaroaren 7an, Diskoiraa taldeak 2011ean egindako Asiar biraren dokumentala emango dugu Zarauzko Putzuzulo Gaztetxean. Dokumentala ez dago guztiz amaitua detaile batzuk falta zaizkio eta baina honen egileak data nola ez zuen aukeratu ba… dagoenakin konformatu beharko.

Zita, arratsaldeko 19:00etan izango da eta aurretik afari-merienda moduko bat egongo da (lasai Humusa ez da faltako). Gonbidatuak zaudete!!!